يالله اني في رجاء العفو من يوم عبوس
لا توارت شمس عمري وحان مغيبها
واكفني من شر دنياي وشرار النفوس
واعطني حكمة حكيم وجملني بها
لا وردنا واستوى الموج من فوق الحبوس
كل جزله من عيون القصيد نجيبها
الهمم ما في حشاها عذاريب وحسوس
والشيم ما تخلف الظن في تركيبها
قربي يابيد الافكار تحت العيطموس
مهرة سود المقادير ما تومي بها
وارتقي ياهقوة الشعر لافاق الشموس
وانثني يامعضلات العزوم وريبها
لا انزوى ليل المتاهه عن الحلم الكبوس
تشرق ايام الحقيقة ويظهر غيبها
في المقام اللي ثماره من اجواد الغروس
سنة محمد وهديه موارد صيبها
من حضر يبشر بسعده بعيد من النحوس
كلمة برهانها الفعل ونغالي بها
ملتقى فيه النواميس ورجال تروس
والعلوم اللي تجمل وينشر طيبها
فيه للعاقل مواعظ وللفاهم دروس
واللبيب اللي يميز رسوم مصيبها
قبلة اللي علم الاجواد لمتونه لبوس
ووجهة اللي كلمة المرجله يرهي بها
بيض الله وجه من يدعمونه بالفلوس
من دعم من حر ماله على ترتيبها
وجمل الله حال من وقتهم فيه محبوس
وجهدهم ملموس وافعالهم ندري بها
جهدكم يشكر ويذكر ولا هو بمهموس
بصمته تدري بها الناس وتباهي بها
باسمكم يامرحبا هيل والبن محموس
والبلاد يزيد نبض الوفاء ترحيبها
مرحبا والطيب مبدى وللميقاف روس
ومن عرف صعب المهمات ما يخطي بها
ليست هناك تعليقات:
إرسال تعليق