الهجوس اللي تغني للضمير بما تريده
ماحداها الا جميل وصرف جزلات المثايل
والعلوم اللي تنومسنا القريبه والبعيده
غاية من دونها ما حن ندور للبدايل
باسم ربعي درع جنبي منهل الارياء السديده
ربعي ال لمعان سعد الضيف من ماضي السلايل
عزوة يشهد لها تاريخها من قبل اعيده
والسيوف اللي تلامع من على قب الاصايل
واسم يحيى بو محمد راعي امجاد مشيده
من رجال يكسرون الهم وكبار الهوايل
والنشاما اولاده اللي ما يجيبون النقيده
هل تواريخ تجمل واهل وقفات صمايل
واسم راع الشان راع الطيب وزهاه وعميده
وافي المنسب عزيز القول مخبور الفعايل
له من اسمه في علو المجد والقمه حصيده
والمراجل في كنف فعله لها وسم ودلايل
واسم عوضه بن علي وسعيد كساب الفريده
هل مواقيف تجملنا ومن روس الحمايل
مرحبا ترحيبه اجواد على القمه نشيده
عد ما لاحت بروق الوسم وتهل المخايل
ارحبوا ثم ارحبوا ترحيبة العز التليده
من حدود بلاد نجران لحدود بلاد حايل
مرحبا ترحيبة من صافي الخطر مجيده
مالفيتوا الا على التقدير وفعول الجمايل
قدركم ياضيوفنا من فوق هقوتكم نزيده
بالشحم والعود الازرق والتراحيب الجزايل
من غلاكم ياضيوف الحفل نظمت القصيده
واثني الترحيب باللي وصل من كل القبايل
كل رجال حضر له قدره ويرصد رصيده
والوفاء من سلم جدان لنا ماهو بزايل
تحت راي ال السعود اللي حموا حد العقيده
واحتموا دولة هل التوحيد من سود العمايل
فضل ربي ثم فضل ملوكنا مابه مكيده
والوطن من حكمة الحكام في الخيرات طايل
ياملكنا لو دعيت ارواحنا دونك زهيده
شعبك الجيش السعودي لا دعيته ما تمايل
ماذخرنا الدم من دون الوطن داخل وريده
والوطن مأمون بامن الله من شب الفتايل
ياملكنا حن على عهد ومواثيق مديده
قبل تكوين الجيوش وقبل تكوين الفصايل
عهد جدان مع عبدالعزيز ولا نبيده
وحن معك يابو فهد فيما تبي والشك زايل
والذي خان الوطن نبرى منه ونشد قيده
نحربه بالعلم والقوات وبكل الوسايل
خيب الله من يبي الفتنه لدولتنا الرشيده
وارشد الله من نصرها من تمادي كل عايل
ليست هناك تعليقات:
إرسال تعليق