سلام يارجمآ يذري من وزى به من هبوب
زبن الدحيل اللي شكى جور الحياة وميلها
جتك الرساله تحمل بطياتها شرح الذنوب
قصيدتآ خوتك معناها ويسرج خيلها
تبغى الحقيقه والله ان الكفو مايخطي الدروب
ان الحمول الكايده ماضاق من تحميلها
وانه يجمل من تعزوى به ويركي للصعوب
ويزيح عن راعي الهموم هموم كل يزيلها
لكن رعاك الله ترى بعض الجفأ يدمي القلوب
ويحمل الهاجس علومآ مابغيت ابديلها
شيئ يعود في مآل الوقت حسرات ونشوب
تحسب علي غلطه وانا ما ذقت فاناجيلها
من طول صدك والله انه صابني شك ورعوب
واني بديت اصبح مع الأفكار واسري ليلها
يالله عساني ماجفيت بصاحبي من كل صوب
والا عساني ما رميت بكلمة مادري لها
ماني عن الزله ولا عن غرة الصقر معصوب
كل البشر تخطي وذا سلم العباد وحيلها
العيب ماهو في الخطاء بس الخطاء عند الهروب
عن حق بين والرجال يعدها تشكيلها
وانا لك الله يوم راجعت المحاسن والعيوب
لا والله اني مالقيت العيب في الماضي لها
فإنكان في نفسك علي عذروب يالوجه الرحوب
علمني بما زلته نفسي ولك تأويلها
وان كنت تسمع للمناشب والمهرج والكذوب
غيظك على نفسك وخل الناس لا تشكي لها
راجع حساباتك وقابل واترك اطباع اللعوب
واحذر عيونك لا يشح الشوف من تكحيلها
هذي النهايه حلها يا وجه حلال الكروب
وان كان ماحليتها فأسمع لي وحلي لها
ليست هناك تعليقات:
إرسال تعليق