يالله بقول يجمل ومنطوق شريف
عند قوم كل الامداح ترسم قدها
ياسلام الله سلام من لسان نظيف
مايجيب الا الجزيله وينهل عدها
ياسلامي عد ما لاح براق الخريف
وارتوت من غيمه الارض وازهر خدها
باسم قيفً مع هل المجد منزاله منيف
باسم بللحمر علوم الرجال نعدها
وان لفتنا دعوة اجواد ما عنها مريف
خيب اللي لا لفته العزيمه لدها
عند قوم في سماء المجد بارقهم رفيف
نوضته تلفت عيون العرب وتشدها
قيف شهران العريضه هل السيف الرهيف
عزوة ما جَيّر الوقت حي ندها
إشهران اللي وفاهم مايحتاج إتْعريف
هقوة صقوراً على كل علياً هدها
وعند ناهس للمراجل وللامجاد ريف
روس قوم كل كلمة توفي مدها
ناهس اللي ما تربي جبان ولا ضعيف
ولا تبيح سود الايام خافي سدها
ناهس اللي تمن الغرس في اليوم الكليف
وناهس اللي تمن الابل يوم تهدها
وناهس اللي عابر دروبهم عدوه ضيف
يامن بهيبات ناهس وهيبة جدها
وعن لزومك يابن بيوض لا يمكن نصيف
جية عندك تنومس وذي لا بدها
انت كفو وراعي امجاد من ريسان قيف
ونعم وتسمي قبايل وترفع بدها
وخوة اللي مثل شرواك للصادق تضيف
تحفظ حقوق المعرفه وتحفظ ودها
طيب ذات ورفعة اخلاق ما تلقى وصيف
تعطي جزال العطايا وتترك ضدها
والدليل ان القبايل على شانك حفيف
الاوله من طيب راسك وهذا ردها
ولا غرابه يوم منك الوفى والطيب شيف
وارث علوم المراجل وحكمات الدها
جدك اللي ثبت الحد في اليوم المخيف
يعتزي باسم النماره وثبت حدها
وشايبك راعي مشوره وقوله حد سيف
كلمته ما يلحق الريب مرسى جدها
صادق وراعي مروه وتاريخه عفيف
في يمينه جود جزر البحور ومدها
ماعلى فعل المطاليق والشجعان زيف
والحقايق ترفع الراس يوم نعدها
قلتها والشعر محبوك والافكار كيف
عند قوم كل الامداح ترسم قدها
ليست هناك تعليقات:
إرسال تعليق