هقاوي حروف الشعر ما حولها منقود
ليا وجهت صوب المعالي مطالبها
على قمة الامجاد تاريخها موجود
وقمة هل العوجا تشرف مضاربها
وانا لا بغيت اكتب قصيده في ال سعود
ترتب بيوت الشعر من قبل ارتبها
سلامي على القمة سلام عليه عهود
سلام يجمل كل كلمة وصاحبها
سلام ن على الهيبة واهلها بدون قيود
سلام ن على روس ن سماء المجد عاصبها
جبال الذرى والمنع والموقف المشهود
رجال ن شرف الافعال قبل مناكبها
سلايل سليل المجد عبدالعزيز العود
منار البلاد ودرع الامة وحاجبها
يوم ان السماء يحجب على نورها البارود
والارض امتلت فتنه وكثرت مصايبها
والاوضاع مختبصه والايام بيض وسود
تزهل لها عبدالعزيز وتجاذبها
بيمنى تفك العوق والشايك المعقود
تعزوى ب(اخو نوره) وتحقق ماربها
تقدم بحكم الله ومهند مجرود
على قبة (منيفه) عطى النفس مطلبها
عطاه الله الحكمة والاخلاص للمعبود
ومن يورث الحكمة يعيش بمكاسبها
جمعنا من التشتيت والماضي المفقود
وشيد لنا دار تذلل مصاعبها
عسى منزلة في عدن في نعمة وخلود
يعيش بنعيم الله ويجزى بأطيبها
ومن جدك كحيلان يالفارس المقصود
شربت السجايا الجيده من مشاربها
على منهجه سقت الخطاء يالامير سعود
تمثل بشخصيته شخص يناسبها
ورثت المراجل منه والموصف المحمود
ومن حكمته حكمتك تاخذ عجايبها
حليم وسيع بطان كنك براد النود
شجيع تعسف المعضلات ونوايبها
تواضع وطيب أخلاق والله عطاك الزود
رفعك بجميل افعال تحمد عواقبها
ايا فزعة المحتاج يا مزبن المضهود
ايا عون من بقعاء شوته بلهايبها
يمينك سحابة جود واليا امطرت بالجود
تذكرني بمدات سلطان واعذبها
تذكرني برمز الكرم والسخاء المعدود
تذكرني بيمنى كرمها يداعبها
لو اقارن العالم على المد والمجهود
رجال العطاء والبذل سلطان غالبها
ومشعل حكيم الراي رايه بدون حيود
يحدد مصير أمه ويرسم مناصبها
صدى كلمته تصدح ولاعقبها مردود
قراره حكيم وكلمة الحق كاتبها
بدار الملوك اللي عطونا بدون حدود
ولا نجهل افضال الرجال ومناقبها
نعيش بذراهم في سلامه بأمن وفود
وإلى ما دعونا ارواحنا ما نشح إبها
ملوك على التوحيد مجهودهم محشود
سنام امة الاسلام واعلى مراقبها
والا ياطول العمر ما للشعور سدود
قصيد عليه اسمك تشرف وصار أبهى
وانا لا مدحتك كل من يسمعون شهود
وتكفي براهين الرجال وتجاربها
ختام الكلام العذر وان قصر المقصود
غلاك اكبر من حروف شعري وواجبها