ذكر الله اول مايبدى من اقوال
مفتاح بيبان القصيد ومجاله
في حفل شيخان وصناديد ورجال
وبيوت قوم ما تربي حثاله
تاريخهم ترويه الاجيال لاجيال
وافعالهم مثل السحاب ومخاله
ال صالح اهل المجد في كل منزال
واهل الشرف واهل الوفاء والجماله
مثل النجوم اللي تقدى بها الضال
لا ادهم عليه الليل وانضك باله
هذاك ابو سلطان للطيب بتال
يكسب علوم المرجله والشكاله
راسه صميدع واسمه يهز الابطال
له هيبة تبديه مع كل طاله
له في الكرم والجود صولات واقبال
يدري بها من وصله ومن عنى له
ما يذخر المعروف لو يقصر الحال
وافي يمين وبارك الله حلاله
وان عودت للشعر ورموز الاقفال
ف سعيد بن صالح صبي الجزاله
صفحاته من المجد والحكمه ثقال
تقرى جنوب الدار والا شماله
ربي جعله لطيب الافعال تمثال
يرخص على كسب الجمايل رياله
في شف ضيفه يرخص الحال والمال
يوزن بفعله فعل حاتم وحاله
يوم ارتحل في رحلة علاج لازال
كل بصدق شعور قلبه دعا له
واليوم عود من بعد طول ترحال
في خير وبفضل من الله ناله
يا الله يامنشي من المزن همال
انك تتم العافية والبقاء له
ودماس رمز للفضيلة والاجلال
مطنوخ ومجمل وراعي بساله
يفزع ويمنع في نهار اشهب اللال
راعي مواقف ماغشتها فشاله
واللي ورد للعاصمة ينطح الفال
عنده ويلقى الموجبة والاصاله
وابو سعيد لجيد الشور فتال
علي ولاسمه فالمعالي مناله
للضيف والطرقي مناره وميصال
يجمل ولا يعرف ربوع البخاله
مابين ربعه وزنه يعادل جبال
سعد المنبي والمقام ارتكى له
تقصر عزوم الناس وعزومه طوال
ما كنه الا للمراجل وكاله
ذولا شيوخ الطيب ورجال الافعال
طيب النباء والمعرفه والسلاله
من دونهم يامرحبا عد ما طال
ظل الشجر وعداد ما اجهت ظلاله
يامرحبا ياكل عاني ووصال
ترحيبة مافي كنفها خماله
يامرحبا وقدومكم خير وافضال
جتيوا على الناموس وانتوا رجاله
في لازم اللي لا بغيناه ما احتال
في كل شان ما تعذر هلاله
يجمل مع الاول ولا يرقب التال
وحضوركم في شانه اكبر دلاله
وسعيد بن راشد على كل الاحوال
له في ثنايا المجد قسم وكفاله
متسلسل من هقوة اعمام واخوال
والجود والناموس ثنوا عقاله
وناسبت رجال سنافي وحلال
بن ملحم اللي ماعلى اسمه جهاله
تاريخهم وافي ولا حوله جدال
من عهد اخو نوره وبعده عياله
لك نطلب التوفيق من واحد عال
جل وتعالى واعتلى في جلاله
وختامها اصلي على خير مرسال
اشرف نبي بلغ اطهر رساله
ليست هناك تعليقات:
إرسال تعليق