شرهة الهاجوس وحروف القصايد
عند من يفتل قوافيها العصيه
والكلام الذرب معدود الفوايد
عند من يكرم من يمين سخيه
باسم بللحمر وذاك الاسم كايد
ماتوفيه الحروف الابجديه
ربعي حزام الظفر يوم الشدايد
درع جنب وسيف تبين نطيه
ياسلامي عد هباب النوايد
ياسعود الضيف من بقعاء صبيه
ياسنام المجد ورجال العوايد
قيف قحطان السيوف الفيصليه
نجم عز في سماء الامجاد سايد
بيرق يشهر تواريخ نديه
في السنين الاوله والا الجدايد
ما على حفل القحاطين اولويه
نار ناموس ليا شبت وقايد
تكرم الضيفان وترد السريه
ديرة ارحب مرحبا ياكل رايد
في زمان السلم والا الجاهليه
والله ان تاريخكم ماهو ببايد
ياعيال مظيم ياروس البريه
لو تبرى التمر من خضر الجرايد
ما تبريتوا من افعال الحميه
عندكم جينا على سلم العوايد
والخوي في سلمنا يطرب خويه
نبنا عبدالعزيز ولا نحايد
عند خالد ما تعذرنا مجيه
وانت ياخالد على الامداح زايد
فعلك يجملك وامجادك ثريه
ورث طيب ونايد من فوق نايد
والمراجل من سجلاتك غنيه
عندكم يال الشقي جبت الفرايد
لانكم كفو ل هقوتها العليه
روس قوم ماتحبون المزايد
غير في كسب النواميس النقيه
بيت مجد ما تبنى بالنقايد
ما بناه الا الكفوف الحاتميه
والمقام الكفو ل وساع البنايد
واضح نوره مثل شمس الضحيه
ليست هناك تعليقات:
إرسال تعليق