ارحبي ثم ارحبي ياروح روحي يا هلابك
مرحبا مليون ياغلى من هوت شوفه عيوني
الغلاء يسبق مجيك والشقاء يسبق ذهابك
اقبلي والشوق بيتك واحضني لهفة شجوني
والله ان الفرحه بشوفتك تستاهل جنابك
كل ما عندي من الاحساس لعيونك حدوني
قابليني بالوصال اللي ينسيني غيابك
واحتويني بالغرام اللي يزود من جنوني
سولفي لي عن هوانا علميني وايش جابك
قولي ان الشوق لاحضانك هو اغلى ما ب كوني
قولي انه جابني حب ن على الصدر انتشى بك
قولي ان البعد عنك اتعبني وزود طعوني
قولي اني مالقيت الراحه الا باقترابك
قولي اني من هيام الشوق مارتاحت ظنوني
انثريني للمشاعر واجمعيني في رحابك
واسفعيني بالموده من شذى القلب الحنوني
والله اني ضقت في غيبتك من طردة سرابك
والوله والشوق والتفكير بعدك عذبوني
ابتدي بك يومي وفيك انتهي به واحيا بك
وان غفت عيني يجيب الحلم ماتهوى جفوني
اعترف لك والله اني عاشقاً حتى ترابك
وان بعدك يجرح الاحساس ويزلزل ركوني
المهم ارجوك ما لي في الحياه الا الرجى بك
احتويني بالمحبه ووانقذيني من سجوني
ليست هناك تعليقات:
إرسال تعليق